ភ្នំពេញ៖ ជនបរទេសចំនួន ១៣០នាក់ត្រូវបានកម្ពុជាបណ្តេញចេញពីកម្ពុជា។ ក្នុងនោះស្រីចំនួន ៣នាក់ មានសញ្ជាតិចំនួន២ គឺចិន ចំនួន ១១០នាក់ និងវៀតណាម ចំនួន ២០នាក់។
ជនបរទេសដែលបណ្តេញចេញពីកម្ពុជាត្រូវបានសមត្ថកិច្ចកម្ពុជាឃាត់ខ្លួនបាន ពាក់ព័ន្ធនឹងបទល្មើសលួចឆ្លងដែនខុសច្បាប់ និងលួចស្នាក់នៅធ្វើការខុសច្បាប់ ដែលល្មើសនឹងច្បាប់ស្តីពីអន្តោប្រវេសន៍។
ជនបរទេសទាំងនោះត្រូវបានបណ្តេញចេញតាមច្បាប់ស្តីពីអនោ្តប្រវេសន៍តាមប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ និងប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង។
ជនបរទេសទាំងនោះត្រូវបានហាមឃាត់ឱ្យចូលកម្ពុជារយៈពេល ៣ឆ្នាំ៕
